Irbono, su misteru de sa Perda de is cincu coros

In sartu de Irbono est istadu iscobertu dae pagu tempus una perda, giai connota a is massajos e a is pastores de su logu, mutidu “Sa Perda de is Cincu Coros”. Sa perda tenet una forma regulare, cosa chi faghet pensare chi a su momentu de sa realizatzione fiat in positzione istantàrgia. Si tratat de un’istele chi misurat 135×195 cm cun 11 disinnos geomètricos a tzìrculos cuntzèntzicos. Sa pedra s’agatat in Tèscere, a presu de su Nuraghe de Scerì. Su petroglifo est istuvidu in su  granitu murru de època neolìtica (2000-6000 a C.). Tenet una forma chi diamus pòdere definire “a istiddu”. Est arta unos duos metros, sa base est  lada e est longa unu metru e sessanta tzentìmetros e larga unu.

Como est posta in positzione belle orizontale. A pagu distàntzia, a unu livellu  pagu superiore, s’agatat un’àtera perda chi essit a pìgiu de su terrinu chi ammustrat un’ampra superfìtzie lada e orizontale, idòneu, duncas, pro èssere cunsideradu s’antigu basamentu de s’istele. Tenet una forma sìmile meda a s’istele etotu e tirat tres metros e largu duos in su puntu màssimu suo. Est orientadu cara a su nord.

Si pensat chi su prus de sas intzisiones siant istadas esecutadas a pustis de s’artziada de s’istele, de persones diversas e in tempos sutzessivos, fortzis in ocasione de eventos particulares.

Sas intzisiones rapresentant semper su matessi sugetu. Sa forma “a istiddu” bortuladu. Fintzas s’istele e su basamentu suo tenent una forma “a gùtiu”. Diant pòdere èssere petzi una cointzidèntzia, ma gasi est.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s