Nuraghes patrimòniu Unesco, firmadu protocollu tra is comunos de Irbono, Loceri, Àrthana, Elini e Barì

Unu protocollu de acordu pro interessare is comunidades sardas a afortiare su percursu cara a sa candidadura de su patrimòniu nuràgicu de s’Ìsula a Patrimòniu de s’Umanidade de s’Unesco.

Custu est su documentu chi est istadu firmadu su 27 de argiolas in Lanusè dae is comunos de Loceri, Àrthana, Irbonu, Elini, Barì e s’assòtziu ‘La Sardegna verso l’Unesco’, un’atu chi dimustrat sa sensibilidade de is comunidades a sa valorizatzione de su territòriu movende dae s’antiga tziviltade de is sardos.

Un’iscummissa chi at a giùghere a modellu de isvilupu econòmicu nou. “Su patrimòniu nuràgicu sardu rapresentat su mègius argumentu chi tenimus pro faeddare de sa Sardigna e de is sardos – at ispiegadu su presidente de s’assòtziu, Pierpaolo Vargiu – e oe, fintzas gràtzias a custu protocollu, afortziamus galu de prus su raportu cun is comunidades locales, chi sunt is veras protagonistas de su percursu chi depet portare totu sa Sardigna a su reconnoschimentu de s’Unesco. Cun s’agiudu de totu is sardos – at sutaliniadu Vargiu – is nuraghes nostros podent contare a su mundu una imàgine noa de sa Sardigna, càrriga de incantu e de istòria”. In prus, faghet inscire is de s’assòtziu, sa tzitade de Lanusè at a acasagiare  unu mese sa mustra “Io apro all’Unesco”.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s