S’informat chi sa Regione Sardigna, pro more de reduire is isvantàgios causados dae s’insularidade, at aviadu sa prataforma informàtica ùnica mutida “SardegnaTrasporti”, dedicada a sa presetatzione e a sa gestione de is rechertas de agiudu sotziale dae banda de is impitadores residentes in Sardigna pro su trasportu aèreu dae/pro sa Sardigna e, prus che totu, in is rotas de collegamentu intre is aeroportos situados in Sardigna e aeroportos situados a s’internu de s’Ispàtziu econòmicu europeu.
S’entidade de su sìngulu agiudu cunsistet in unu contributu subra su prètziu de su billete, in su lìmite màssimu de su prètziu cumprèndidas totu is impostas e ispesas faturadas dae su vetore seberadu. Su sìngulu contribuidu at a cumentzare dae unu mìnimu de € 25,00 a trata finas a unu màssimu de € 75,00 a trata.
Sa dimanda de contributu depet èssere presentada dae s’impitadore (benefitziàriu o suo delegadu), pro mesu de su portale SardegnaTrasporti ebbia.
Benefitziàrios de is contributos sunt is sighentes categorias de persones:
– residentes finas a su cumprimentu de su de 26 annos de edade, est a nàrrere totus is chi no apant ancora acumpridu is 26 annos in su momentu chi ant usufruidu de su trasportu aèreu;
-residentes dae su cumprimentu de su de 65 annos de edade, est a nàrrere totus is chi apant giai acumpridu is 65 annos in su momentu chi ant usufruidu de su trasportu aèreu
A su fine de pòdere èssere ammìtidas a su contributu is rechestas depent èssere presentadas dae is chi tenent deretu intro e no a pustis de is sighentes tempìsticas:
pro is bolos godidos dae su 14/12/2023 a su 31/12/2023: intro e no a pustis de su 31/03/2024
pro is bolos godidos dae su 1 ghennàrgiu 2024 a sa data de inghitzu de sa prataforma Sardigna Trasporti: intro e no a pustis su 31/03/2024
pro is bolos chi abarrant e godidos finas a su 31/12/2024: intro e no a pustis de 15 dies dae sa data de gosamentu de su bolu.
Pro àteras informatziones est a pompiare su giassu web SardegnaTrasporti
https://sardegnatrasporti.regione.sardegna.it
Ufìtziu Limba Sarda Ogliastra 