Irbono. Bandu pùblicu pro ammissione a sa mesura Regionale denominada REIS (Rèditu Incroimentu Sotziale) 2021

S’informat sa populatzione chi sunt abertos is tèrmines pro sa presentada de is dimandas pro s’otenimentu de is sighentes benefìtzios:

RÈDITU DE INCRUIMENTU SOTZIALE ANNUALIDADE 2021 (R.E.I.S.), CUNFORMA A SA L.R. 18/2016

Podent atzèdere a sa mesura is sugetos remondados in s’art. 3 de sa L.R. n°18/2016 e sìmiles in possessu de is sighentes recuisitos:

un’indicadore de sa situatzione econòmica ecuivalente (ISEE ordinàriu o currente) non superiore a €. 12.000,00;

unu balore de su patrimòniu immobiliare, comente  definidu a is fines ISEE, diferente de sa domo de abitatzione, non superiore a su lìmite de € 40.000,00;

unu balore de su patrimòniu mobiliare, comente  definidu a is fines ISEE non superiore a unu lìmite de €. 8.000,00, aumentada de èuros 2.000 pro ogni cumponente su nùcleu familiare sutzessivu a su primu, finas a unu màssimu de èuros 12.000, aumentada de àteros èuros 1.000 pro ogni fìgiu sutzessivu a su segundu; custos massimales benint aumentados de àteros 5.000 èutos pro ogni cumponente cun disabilidade e de èuros 7.500 pro ogni cumponente in cunditziones de disabilidade grave o de no autosufitzèntzia.

Pro atzèdere a su REIS, in fines, est netzessàriu chi cada cumponente su nùcleu familiare:

non possedat autoveìculos e/o motoveìculos immatriculados sa prima bia in is 24 meses prima de sa dimanda (sunt esclùdidos is autoveìculos pro cales est prevìdida un’agiudu fiscale in favore de persones cun disabilidades);

non possedat imbarcatziones de diportu.

Podent èssere ammìtidos a su REIS is nùcleos familiares chi benefìtziant de su Rèditu de Tzitadinàntzia  cun importos finas a € 100,00 mensiles, finas a arribbare a  is importos mensiles chi diant tocare pro su REIS;

Un’àtera dèroga est istada istabilida pro is nùcleos familiares cun minores chi su lìmite issoro pro atzèdere a su REIS est aumentadu de èuros 100 pro ogni fìgiu minore, ma no at a pòdere èssere superiore a €. 455,00 chi est s’importu chi currispondet a su benefìtziu màssimu previstu pro is benefitziàrios REIS.

PROGETOS DE INCROIMENTU ATIVU

S’acumprimentu de unu progetu de incroimentu ativu rapresentat sa cunditzione pro s’erogatzione de su sussìdiu econòmicu (a etzetzione de is casos prevìdidos dae s’art. 4 de s’Avisu) e est definidu a fronte de is bisòngios de is famìlias beros a traessu de sa presa in càrrigu professionale issoro.

PRÈMIU PRO RESURTADOS ISCOLÀSTICOS

In presèntzia de famìlias cun minores in edade de òbrigu iscolàsticu (6 – 16 annos), is Comunos ant a pòdere fàghere torrare in is costos pro sa realizatzione de is progetos de incroimentu ativu (cuota de su 20%) risursas de destinare in funtzione de is resurtados iscolàsticos cunsighidos dae is fìgios.

A is famìlias at a pòdere èssere erogadu in agiunta a su sussìdiu REIS unu prèmiu monetàriu de €. 150,00 pro ogni fìgiu minore chi apat cunsighidu sa sighente valutatzione:

Iscola    Valutatzione cunsighida

Primària               Òtimu

Segundària de su primu gradu  Mèdia de s’oto

Segundària de su segundu gradu            Mèdia de s’oto

Sa dimanda de atzessu a su contributu in ogetu devet èssere redatads, pena s’esclusione, subra dae s’apòsitu mòdulu predispostu dae s’Ufìtziu Servìtzios Sotziales de su Comunu de Irbonu e disponìbile suta su situ internèt istitutzionale a s’indiritzu http://www.comune.ilbono.og.it

Is dimandas, bene compiladas e sutascritas dae su dichiarante, ant a dèvere lòmpere intro e no a pustis de is oras 13:00 de sa die de Chenàbura 29/10/2021 (pena s’esclusione) cun is sighentes modalidades:

PEC: petzi dae casella de posta eletrònica tzertificada bia sa casella de posta eletrònica tzertificada a s’indiritzu protocollo@pec.comune.ilbono.og.it (RETZIT PETZI DAE PEC);

MAIL : a s’indiritzu info@comune.ilbono.og.it;

CUNSIGNA A manu : mediante depòsitu de sa dimanda in sa Casseta Postale presente a s’intrada de su Munitzìpiu (acanta siat netzessària sa retzida de  protocollatzione tzitofonare a s’Ufìtziu Protocollu).

Non sunt ammìtidas àteras modalidades de presentada de sa dimanda (pena s’esclusione).

Totu is informatziones sunt inditadas in su Bandu pùblicu sighente

Pro àteras informatziones si girare a s’Ufìtziu Servìtzios Sotziales – Responsàbile de su protzedimentu: Dot.a Lai Maria Angela (0782/33016 Internu 2).

Docuementos

ISCADÈNTZIA : A ORA DE IS 13:00 DE CHENÀBURA 29 DE LADÀMINE 2021

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s