Arthana 24 làmpadas: Santu Giuanni Batista patronu
su santu prus veneradu a su mundu. Su 24 làmpadas: si festat sa nàschida de Santu Giuanni Battista. Est su santu prus veneradu a su mundu e fintzas su prus rafiguradu in is òperas de arte. Santu Giuanni, naradu su Battista, tenet grandu importu in sa vida de sa Crèsia, est s’ùnicu santu chi in sa liturgia catòlica benit nomenadu in sa die de sa nàschida (su 24 làmpadas) in prus in sa die de sa morte (29 austu). Sa tzelebratzione de su 24 làmpadas est testimoniada dae santu Agostinu chi riferit de sa presèntzia de custa festa antiga in sa Crèsia africana. S’artu onore de santu Giuanni est reconnotu de sa liturgia, in s’esclusiva festa de sa nàschida, ma in antis ancora de Gesùs in persone chi afirmat, segundu cantu referit s’evangelista Mateu: “In beridade bi naro: intre is nàschidos de fèmina no est stadu pesadu niunu prus mannu de Giovanni su Battista” (Mt 11,11).
Àrthana sa crèsia patronale
Sa Crèsia de Santu Giuvanni Battisa s’agatat in Àrthana, in mesu de sa bidda. Si podet amirare sa caraterìstica crèsia in su tzentru istòricu de Àrthana,acantu sa crèsia est presente de non s’ischit cantu tempus. Non s’ischit difatis galu a oe, cale siat istada sa data giusta de su fàbricu de sa crèsia, ma s’ischit de tzertu chi in su 1865 sa crèsia betza fiat istada sciusciàt po more de is pèssimas cunditziones istruturales. Subra is ruinas suas est istada frabicada sa crèsia noa, sempere intitulada a Santu Giuvanni Battista, patronu de Arthana. Sa crèsia est formada de una base a rughe latina cun su bratzu mancu prus longu respetu a cuddu deretu,. Su pamentu est istadu costruidu impreende unu materiale travertino e, a s’esternu, faghet a ammirare su campanile ca est istadu torradu a frabricare 100 annos a oe.
Ufìtziu Limba Sarda Ogliastra 