In custu perìodu de s’annu is amministratziones a s’ipissu sunt ocupadas a programmare is atividades e is ispesas pro is annos imbenientes, custu pro ite is entes locales, segundu sa lege, ispirant sa pròpia gestione a su printzìpiu de sa programatzione.
Pro custa resone presentant su Documentu Ùnicu de Programatzione intro su 31 de trìulas de cada annu e delìberant su bilantzu de previsione finantziàriu intro su 31 de nadale, referidos a un’orizonte temporale nessi triennale.
Su documentu ùnicu de programatzione est predispostu in su respetu de cantu prevìdidu dae su printzìpiu contàbile aplicadu a sa programatzione de bilantzu.
Intro su 31 de trìulas de cada annu sa Giunta presentat a su Consìgiu su Documentu ùnicu de programatzione pro is cunsighentes deliberatziones. Intro su 15 de santandria de cada annu, cun s’ischema de delìbera de su bilantzu de previsione finantziàriu, sa Giunta presentat a su Consìgiu sa nota de agiornamentu de su Documentu ùnicu de programatzione.
Ocannu pro more de s’apretu sanitàriu e de totus is problemas connètidos s’est detzìdidu de crastinare pro s’esertzìtziu 2021 su tèrmine pro sa deliberatzione de su bilantzu de previsione a su 31 de ghennàrgiu 2021.
Inoghe de sighida podes lèghere iscarrigare sa delìbera de Consìgiu Comunale n° 51 bortada in sardu; est custu s’àutu chi in Cardedu aprovat su DUP 2021-2023.
Ufìtziu Limba Sarda Ogliastra 