A chie in Sardigna ponet fogu
li cherzo de coro augurare:
unu male li potat atacare
e chei s’oro diventet grogu.
O su destinu li filet unu giogu
in su matessi fogu a si brujare ,
e si bessit gente a lu chilcare
mancu signale agatent in logu .
A chie brujat fàuna e flora
non tenet ne coro ne chelveddu sanu
e contat una manu assassina
Ca su fogu faghet carnifitzina
e nde cheret segada cussa manu
comente in su tempus de Elionora.
Si fit sena manos che su Milesu
cussu fogu non l’aiat atzesu
Augusto Pistis