Sa bidda de Barì in su situ de promotzione turìstica de sa Regione Sardigna

Su nùmene de sa bidda ogiastrina tenet s’orìgine sua in su 1862, cando unu decretu de Vittorio Emanuele II aiat acostagiadu ‘sardu’ in Bari pro evitare confusiones cun su cabulogu pulliesu. Barì, atzufadu in montigros de bingedos e frutedos, naschet subra de su pranu de preda niedda Teccu ‘e su de Crastu. Est famadu pro s’artesania de su tessìngiu: tapetes, aratzos, mantas e linos. Is rastos de sa biddda antiga lompent finas a s’Artu Medioevu: pro isfugire a is atracos de Vàndalos e Saratzenos, sa populatzione si fiat amparadu in sa parte de intro, a bator chilòmetros dae sa costa. Sa villa de Barì fiat istada parte de su giuigadu de Casteddu finas a su 1258, cando fiat istada unida in antis a su de Gallura e posca a sa Repùblica de Pisa. Dae su 1324 fiat intrada a su regnu de Sardigna e in su de Itàlia de su 1861. Oe contat unos bator mìgia abitantes.

Su tzentru est caraterizadu dae domos rùsticas, domos colònicas, turres ispagnolas, cuiles antigos e dae s’imponente crèsia parrochiale de Sennora Nostra de Munserradu, una de is prus bellas de s’Ìsula, rica de màrmaros pregiados. Intre is crèsias ddoe est peri cussa intitulada a Santa Cecilia chi a unu tempus fiat in su sartu, oe est in intro de sa bidda, posca de santu Giuanne, in localidade sa Marina, ue in argiolas s’acumprit una professone dae sa bidda a su bidditziolu de Turre de Barì, e cudda de su sartu de santu Leonardo (sèculu XVI). Su territòriu tenet medas testimonias archeològicas: domus de Janas de Pizzu ‘e Monte e Funtana de su Retore, 14 nuraghes, intre is cales su prus famadu est su Sellersu e tumbas de Gigantes de Canales, Uli e Pritzu Teccu. In edade romana fiant nàschidu su presìdiu de Custodia Rubriensis, dae su nùmene de is protosardos (Rubrensos) chi istaiant incue.

Sìmbulu de Barì est sa turre de Barì, realizada dae is aragonesos intre 1572 e 1639 in un’ispuntone pedrosu subra su mare. Arta belle 13 metros e cun diàmetru a sa base de ùndighi, compidaiat 15 chilòmetros de mare. Su forte dòminat e partzit s’arenile  in duas alas: a nord su mare de is òminis, a sud su mares de is fèminas, segundu una distintzione nàschida in su Pustisgherra cando is duos tretos fiant frecuentados in manera separada dae òmines e fèminas. A sud de sa marina de sa Turre de Barì s’agatat Sa Marina Tramalitza, mai afollada, cun arena crara e mare cristallinu cun isfumaturas birdes. Una de is ‘perlas’ de Ogliastra est in parte in su territòriu de Barì: semus alleghende de Cea: prus de unu chilòmetru de arena bianca e modde, fundale bàsciu, iscòglios rujos e traballados dae s’abba.. A 300 metros de sa plaja, b’at duas perdas rujas de binti metros: is Iscòllios Arrubius, sìmbulu de Cea.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s