In ocasione de sa die dedicada a sa commemorazione de is defuntos, mèrcuris su 2 de onniasantu, a is oras 9:30, comente a de traditzione, acanta su Campusantu, est istada tzelebrada una Santa Messa de sufràgiu, tzelebrada dae su Pàrracu Don Pietro Sabatini.
Ocannu, a pustis de tempus meda, sa Messa est istada tzelebrada in sa parte istòrica de su campusantu, in sa capella torrada a nou, chi est istada ogetu de un’importante interventu de restàuru e est torrada a sa simplidade e a sa bellesa antiga sua.
Pro more de permìtere a is persones de bisitare is tumbas de is defuntos issoro, su Campusantu at a abarrare abertu finas a su 7 de onniasantu cun oràriu continuadu, dae is 8:00 a is 18:00.
Semper chenàbura su 7 de onniasantu ddoe est istada sa tzerimònia evocativa de is rùidos a totu is gherras acanta su monumentu a is rutos in su giardinu dae in antis a su Palatzu Munitzipale, in ue, a nùmene de sa comunidade bariesa, est istada deposta e beneita una corona de laru.
Ufìtziu Limba Sarda Ogliastra 