Cosas de bìere a Lanusè

Sa tzitade de Lanusè est s’istòricu tzentru amministrativu de s’Ogliastra, sede de Ispidale, de su Tribunale e de àteros servìtzios pùblicos, e peri de s’omònima Diòtzesi. S’importu istòricu de sa presèntzia de su cleru in sa bidda est dèvida primu de totu a sa presèntzia de is Salesianos chi a Lanusè aiant fraigadu sa prima domo de sa Sardigna su 14 de làmpadas 1902. Sa Diòtzesi de Lanusè cumprendet fintzas comunos chi non faghent parte de sa Provìntzia de s’Ogliastra, comente a Bidda de Putzu in provìntzia de Casteddu.

Sa bidda anitiga est a is pees de unu montigru chi comente un’anfiteatru dòminat sa badde finas a su mare Tirrenu, inghiriadu dae padentes de èlighe e funtanas chi essint dae su granitu. Sa tzitade gosat de unu clima pragherosu e sanu.

Sa positzione sua tzentrale permitet de godire de is bellesas paesagìsticas de su massitzu de su Gennargentu o de is Tacos de Ogliastra ma fintzas de lòmpere in pagos chilòmetros unu de is tretos de costa prus netos de su Mediterràneu.

A pitzu de su tzentru abitadu s’agatat unu padente de èlighes a truncu artu e prus in artu  su Monte Seléni a belle 1.000 m slm , ricu de testimonias archeològicas e de àreas atretzadas pro su gosamentu ambientale. In Lanusè est presente unu de is osservatòrios astronòmicos pùblicos prus importantes de Itàlia, s’Osservatòriu Astronòmicu F. Caliumi, postu subra de monte Armidda a belle 1100 m s. l. m..

Lanusè faghet parte de s’Assòtziu Natzionale de is Tzitades de is Cariasas, sende chi est unu de is majores produtores de su  frutu ruju. Mentras su pratu prìntzipe de sa coghina locale sunt is Culurgiones, chi ant retzidu in manera reghente su reconnoschimentu comunitàriu de Indicatzione Geogràfica Protèghida (IGP).

Pro ite seberare Lanusè pro is vancatzas?

PRO SA POSITZIONE

Pagos minutos de màchina cunsentint de Lòmpere siat a su mare siat a su monte

PRO IS SERVÌTZIOS

Lanusè est sede de Ispidale, Tribunale, Diòtzesi e medas àteros ufìtzios pùblicos

PRO S’AMBIENTE

Su cuntestu naturale incontaminadu

PRO SU CLIMA

Is caraterìsticas climàticas sunt  favorèvoles siat in su perìodu ierrile siat in istade

PRO IS BIGHINADOS ISTÒRICOS

Is bighinados istòricos podent èssere seberados comente residèntzia o comente abitòrios pro vacàntzia

PRO SU PAPARE

Is produtos tìpicos de sa traditzione gastronòmica sunt reconnotas pro sa calidade e bonesa.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s