Elini una de is firmadas de su Treninu birde in Sardigna: esperièntzia de non pèrdere

Cunsiderada dae su Presidente de su WWF Itàlia, Fulco Pratesi, comente  sa ferrovia prus bella de su mundu, su Treninu birde permitet de bìvere un’aventura ùnica in un’ìsula meravigiosa: sa Sardigna. Si podent bìdere biddas e zonas cun paesàgios magnìficos, logos e òasis naturales, colores e nuscos de unu tempus.

Naschida comente  trata pro collegare s’internu de s’ìsula a sa costa, at prus de 130 annos e dda podet percorrere totus, dae 0 finas a 99 annos. Su treninu permitet de lòmpere a medas logos cuados, sa cosa importante est a tènnere sa gana de iscobèrrere, de castiare e de non tènnere presse.

Su Treninu est istadu pessadu pro rèndere su giru de s’ìsula un’esperièntzia indimenticàbile colende dae dae s’internu de s’ìsula a is marinas de sa Sardigna.

Ma in ue si pigat su Treninu Birde? Su Treninu birde tenet una longària de belle 440 km e colat in  5 diversos itineràrios, totus bellos e ispantosos. Lompet a una velotzidade de 20 km/h e difatis est s’emblema de su turismu priu e cunsapevole, de s’àera bona e de sa natura incontaminada. Cumpàngios de aventura sunt s’abbolotu de rotajas e is sediles de època.

In orìgine sa lìnia arribbaiat finas a Sòrgunu. Oe imbetzes lompet a su Sarcidanu, sa giara de Serri, is ribas de su lagu Sanu Sebastianu e is montigros de Ìsili. Su Treninu birde in prus rugrat is biddas de monte de Elini e Lanusè, colat a costadu de su lagu Lagu Artu de su Flumendosa e arribbat a Gàiru Tacu Isara, in ue est possìbile bisitare is bidditzolos ispèrdidos de  Osini betza e de Gàiru betza.

Su costu pro biagiare in su Treninu vàriat ma est comente si siat atzessìbile a totu is visitadores. Su prètziu de su billete est de 12€ o 15€ in base a sa trata chi si detzidet de seberare. Is giros individuales o de grupu si podent prenotare sena problemas.

Trenu birde Sardigna: percursu e calendàriu de is partèntzias pro su 2022

Is percursos e is tratas:

MANDAS – LÀCONI

PALAU – TÈMPIU

MACUMERE – BOSA

MANDAS – SEUI

ARBATASSA– GÀIRU

Su calendàriu partèntzias 2022 est disponìbile in su situ ufitziale de su Trenino Verde Sardegna.

Leadu dae https://www.trend-online.com/viaggi/Treninu-verde-sardegna/

Artìculu originale iscritu dae ILARIA CAMPANA