Loceri. Iscola de fùbbalu gratùita pro is pitzocheddos residentes in sa bidda

Iscola de fùbbalu gratis pro is pitzocheddos residentes a Loceri, cun s’Acadèmia Ogliastra si devenit isportivos cun is professionistas de sa Football Academy

Devenit semper prus cuncretu s’impinnu, fintzas finantziàriu, portadu a in antis dae sa Giunta Lecca pro obiare is bisòngios de is famìlias de Loceri. In is dies coladas sa firma de un’acòrdiu pro cunsentire s’iscritzione gratùita de pipios e pitzocos in s’iscola de fùbbalu de s’Acadèmia Ogliastra chi òperat in sa bidda su 2018.

Su continu traballu de s’amministratzione comunale ghiada dae su sìndigu Gianfranco Lecca e de s’Acadèmia at portadu a pessare a àteros modos pro diminuire is ispesas de is famìlias e creare prus oportunidades pro is generatziones noas giai proadas dae is privatziones de sa pandemia.

«S’acòrdiu firmadu est unu signale de s’atentzione a sa bidda nostra, Loceri – narat s’assessore a s’Isport Enrico Pistis – indispensàbile pro chi potzamus torrare a sa normalidade prus de presse. Custu progetu est un’ocasione pro compensare totu sas rinùntzias chi sunt istados obrigados  a fàghere pro duos annos a càusa Covid. Creimus chi su fùbbalu siat un’isport educativu chi depet portare prus che totu a su respetu. Si movet dae piticos pro devènnere campiones benidores mescamente in s’aprendimentu de is règulas, in sa salude fìsica, in su traballu de iscuadra e pro ite nono, pro isperare fintzas in una carriera in su mundu de s’isport.»

S’acordu firmadu previdet s’iscritzione de badas a s’Acadèmia Ogliastra pro is pitzocos residentes in Loceri, chi ant a pòdere partetzipare a is fainas isportivas acumpridas in s’istrutura  de Santu Bachis sena pagare sa cuota de iscritzione pro is fainas annuales. Is famìlias de Loceri s’ant a dèvere petzi ocupare de s’achistu de sa bestimenta prevista, de su tesseramentu e de s’asseguratzione. Is fainas sunt comintzadas su 12 de cabudanni 2022 e is iscritziones sunt galu  abertas.

Boddidu dae: https://www.sardegnaierioggidomani.com/sport/scuola-calcio-gratuita-per-i-ragazzi-residenti-a-loceri-con-laccademia-ogliastra-si-diventa-sportivi-con-i-professionisti-della-football-academy/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s