Irbono. S’isportellu linguìsticu torrat a abèrrere is iscritziones pro su Cursu  “Limba e Mùsica de sa Sardigna”

S’Isportellu Linguìsticu Sovracomunale de Irbonu, de cale faghent parte is comunos de Irbono (capufila), Àrthana, Elini, Lanusè, at torradu a abèrrere is iscritziones pro su cursu in lìnia in limba sarda “Limba e Mùsica de sa Sardigna”, finantziadu cun fundos de sa lege n°482/1999 e de sa L.R 22/2018, Annualidade 2021. Su cursu de 30 oras, chi s’at a fàghere in videocunferèntzia dae su 19  de cabudanni a su 29 de mese de ladàmine 2022, est de badas e abertu a totus. Dies e oràrios de is letziones e collegamentu de atzessu a sa piataforma de google meet ant a èssere comunicados a is iscritos bia mail. Custos is argumentos chi ant a èssere tratados:

–              Presentada de su cursu. Sa mùsica populare: panoràmica subra de sa produtzione musicale traditzionale, intre poesia esecutzione canora e esecutzione  istrumentale in Sardigna

–              S’identidade culturale e su ruolu de sa mùsica in sa definitzione sua. Ite est sa mùsica. Notzione de classitzismu acapiada a s’istile musicale de sa segunda metade de su Setighentos in Europa.

–              Oralidade e iscritura comente percursu de imparu.

–              Faeddu e ritmu: sa nàschida de sa dantza e  anàlisi de unos cantos cumponimentos poèticos traditzionales

–              Dae sa boghe a su sonu: presentada de is trastos musicales de s’ìsula

–              Notziones  elementares de teoria musicale: s’artària de is sonos e su tempus. Limbàgiu musicale in limba sarda

–              S’iscritura de un’apuntu musicale e  riflessiones subra su “sulitu” Ogiastrinu

–              Is Launeddas e su limbàgiu antigu issoro

–              S’istrutura mètricu poètica de su ballu sardu Ogiastrinu  e iscrezeniaduras suas cundorma a àteras àreas geogràficas de sa Sardigna.

–              Comente naschet un’istrumentu: dimustratzione realizatzione de unu “sulitu”

Is pregontas de iscritzione ant a dèpere èssere imbiadas intro su 16 de cabudanni 2022 a s’indiritzu de posta eletrònica suia.snc@gmail.com

Mòdulu de iscritzione

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s