Irbono. Disponimentos pro su votu de is eletores chi istant in s’èsteru in manera temporale

ELETZIONES POLÌTICAS 25 CABUDANNI 2022: VOTU PRO CURRISPONDÈNTZIA DE IS ELETORES IN MANERA TEMPORALE A S’ÈSTERU (MÌNIMU TRES MESES)

Publicada su 03/08/2022

Is eletores italianos chi pro motivos de traballu, istùdiu o curas mèdicas s’agatant in manera temporale a s’èsteru  unu perìodu de a su mancu tres meses, chi currispundet a sa data de acumprimentu de sa consultatzione eletorale, e peri is familiares cun cunviventes issoro, podent partetzipare a su votu pro currispondèntzia organizadu dae is ufìtzios cunsolares italianos (lege 459 de su 27 mese de idas 2001, comente modificada de sa Lege 6 maju 2015, n. 52).

Custos eletores, si bolent partetzipare a su votu de s’èsteru, ant a dèpere fàghere lòmpere A SU COMUNU de iscritzione in is listas eletorales intro su 24 de austu 2022 (cun possibilidade de rèvoca intro su matessi tèrmine) una decraratzione de SÈBERU.

Su sèberu podet èssere imbiadu:

cun posta ordinària a s’indiritzu COMUNU DE IRBONO Via Elini n. 5 CAP 08040 IRBONO (NU)

cun posta eletrònica fintzas non tzertificada a s’indiritzu info@comune.ilbono.og.it

pro posta eletrònica tzertificada (de PEC) a s’indiritzu protocollo@pec.comune.ilbono.og.it

opuru integrada a manu a su Comunu fintzas dae persone diferente de s’interessadu.

Sa decraratzione de sèberu, redatada in carta lìbera e in manera obligatòria acumpangiada dae còpia de documentu de identidade bàlidu de s’eletore, in ogni manera depet cuntènnere s’indiritzu postale èsteru acanta andat imbiadu sa busta eletorale, s’inditu de s’ufìtziu cunsolare (Cunsoladu o Ambasciada) cumpetente pro territòriu e una decraratzione chi atestat su possessu de is recuisitos pro s’ammissione a su votu pro currispondèntzia (est a nàrrere de s’agatare pro motivos de traballu, istùdiu o curas mèdicas in una natzione èsteru acanta non s’est regisstrados a s’anàgrafe  pro unu perìodu de a su mancu tres meses chi currispundat a sa data acumprimentu de sa consultatzione eletorale; opuru, de èssere familiare cunvivente de unu tzitadinu chi s’agatat in is custas cunditziones [comma 1 de s’art. 4-bis de sa remonada L. 459/2001]).

Sa decraratzione andat fata a norma de is artìculos 46 e 47 de su decretu de su Presidente de sa Repùblica 28 de mese de idas 2000, n. 445 (testu ùnicu de is disponimentos legislativos e regolamentàrios in matèria de documentatzione amministrativa), decrarende de èssere cuscientes de is cunsighèntzias penales in casu de decraratziones farsas (art. 76 de su remonadu DPR 445/2000 e ss. mm.

Documentos:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s