Loceri, su sìndigu Gianfranco Lecca narat: “Is servìtzios de Abbanoa sunt una birgòngia”

“Dae una parte is rechertas de rispàrmiu ìdricu, dae s’àters is pèrdidas de abba in is caminos, Abbanoa est una birgòngia”. Gasi at naradu su sìndigu de Loceri Gianfranco Lecca cummentende  is pèrdidas continas chi in is caminos de su tzentru istòricu e de sa periferia de sa bidda.

“Su chi est capitende – agiunghet – est una sèrie contina de disservìtzios: pèrdidas mannas de abba sunt istadas signaladas paris cun  su mancadu riprìstinu de sa sede istradale fatu de is caminos de Via Funtana Eccia, Via Dante, Via Regina Elena, Via Eleonora de Arborea, Via Su Monte Longu, Via San Bachisio. No ùrtima cudda evidentziada de iprus de 10 dies in sa Via Nazionale chi est causende  disacatos sèrios in un’abitatzione privada. Mancari is comunicatziones continas s’ente de gestione de su servìtziu no est mai istadu in gradu de garantire una frunidura ìdrica dinna de unu paisu tzivile. Su ‘sistema Abbanoa’- at agiuntu Lecca – rapresentat un’anomalia. No est possìbile chi a càusa de sa crèschida de is consumos, is tzitadinos subant is restritziones ìdricas e in su mentres assistant a is pèrdidas de abba in caminu”.

“Su Comunu de Loceri, bitas is comunicatziones continas – sighit su sìndigu – at a sighire a denuntziare custa forma de gestione siat in sede polìtica siat in sede giurisditzionale dae in antis sa Procura de sa Repùblica de Lanusè. Solu cun sa curretzione de custu sistema fallimentare s’at a pòdere costruire unu modellu de respetu de is deretos de is tzitadinos chi pagant pro tènnere unu servìtziu, chi pedint un’ente chi respetet s’ambiente, inveces assistint a inefitzèntzias continas chi a su contràriu sunt a s’ispissu càusa de disacatos e degradu”.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s