Aberit s’isportellu Linguìsticu Subracomunale de Cardedu, de su cale faghent parte is comunos de Cardedu (capufila), Barì e Loceri. Su progetu de sa durada de 8 meses, dae maju a mese de idas 2022, est finantziadu cun sa L. 482/99 e cun sa L. R. 21/2018. A gestire is atividades at a èssere sa sotziedade Suìa snc. Is operadores linguìsticos Ivan Marongiu, Alessandro Podda e Barbara Serrau, s’ant a ocupare de sa tradutzione de is documentos in essida dae is entes comunales, de s’assistèntza ortografica e linguistica a assòtzios e tzitadinos e de sa promotzione de sa limba sarda in is iscolas e in is bibliotecas.
Dae cabudanni a mese de ladàmine est prevista sa realizatzione de unu laboratòriu musicale de 30 oras pro is pipios de is iscolas (Contau a sulitu) e duos cursos de limba sarda de 60 oras (Normas de su sardu iscritu e Mètodos de tradutzione).
S’Isportellu at a tènnere sa sede in ognunu de is comunos agregados: in Cardedu, a su pianu terra de sa domo comuale (mèrculis a mangianu); in Barì, in sa biblioteca comunale (sàbadu a mangianu); in Loceri, in sa biblioteca comunale (martis e giòbia a merici).
Pro sighire is atividades s’isportellu est a disponimentu su blog https://ulsogliastra.wordpress.com/ e sa pàgina facebook https://www.facebook.com/isportelluogliastra
Pro nde iscire de prus
329 8703515
Ufìtziu Limba Sarda Ogliastra 