Lanusè: Sa tzertificatzione birde

SA TZERTIFICATZIONE BIRDE COVID-19

Sa Tzertificatzione birde COVID-19 – EU digital COVID tzertificadu naschet a pustis de sa proposta de sa Cummissione europea pro agiuare sa lìbera tzirculatzione in seguresa de is tzitadinos in s’Unione europea finas a cando dd’at a àere sa pandemia de COVID-19.

Est una tzertificatzione digitale , chi faghet a istampare, chi cuntenet unu còdighe a barras bidimensionale (QR Code) e unu sigillu eletrònicu cualificadu. In Itàlia, benit emìtida dae sa prataforma natzionale de su Ministeru de sa Salude ebbia.

Sa Tzertificatzione atestat una de is sighentes cunditziones sighentes:

•             àere fatu sa vatzinatzione contras su COVID-19 (in Itàlia benit emìtida siat in sa prima dose siat in su cumpretamentu de su tziclu vatzinale)

•             èssere negativos a su tampone molecolare o antigènicu lestru in is ùrtimas 48 oras

•             èssere sanados dae su COVID-19 in is ùrtimos ses meses

Itàlia

Sa Tzertificatzione birde COVID-19 est recherta in Itàlia pro:

•             partetzipare a is festas pro tzerimònias tziviles e religiosas

•             atzèdere a residèntzias sanitàrias assistentziales o unas àteras istruturas e isetare in is salas de aspetu de prontu sucursu e repartos de s’ispidale

•             pro si mòvere  in intrada e in essida dae territòrios classificados in “zona ruja” o “zona arantzu”

•             atzèdere a is sighentes servìtzios e fainas:

o             totus is servìtzios de ristoratzione  in ue si previdit s’esertzìtziu pro su consumu a sa mesa, a su serradu;

o             ispetàculos abertos a su pùblicu, eventos e cumpetitziones isportivos;

o             museos, unos àteros istitutos e logos de sa cultura e mustras;

o             piscinas, tzentros pro nadare, palestras, isport de iscuadra, tzentros benèssere, fintzas a s’internu de istruturas ritzetivas, in manera limitada a is fainas a su serradu; sagras e fieras, cunvegnos e cungressos;

o             tzentros termales, parcos temàticos e de disaogu;

o             tzentros culturales, tzentros sotziales e ricreativos, in manera limitada a is fainas a su serradu e cun esclusione de is tzentros educativos pro s’infàntzia, cumprèndidos is tzentros istiales, e is fainas de ristoratzione relativas;

o             salas giogu, salas iscummisas, salas bingo e casinò;

o             cuncursos pùblicos.

•             pro impreare is sighentes mèdios de trasportu:

o             aèreos impreados pro su  trasportu de persones;

o             naves e traghetos impreados a servìtzios de trasportu intre regiones diversas, ma non cussos impreados in  s’Istrintu de Messina;

o             trenos impreados in is servìtzios de trasportu ferroviàriu passigeris de tipu Inter City, Inter City Notte e Alta Velocità;

o             postales impreados a servìtzios de trasportu de persones, a oferta indiferentziada, fatos de sighidu o periòdicu in unu percursu chi collegat prus de duas regiones e chi tenent itinerarios, oràrios, frecuèntzias e prètzios preistabilidos;

o             postales impreados a servìtzios de nolègiu cun condutzente, a esclusione de cussos impreados in is servìtzios agiuntivos de trasportu pùblicu locale e regionale.

S’impreu de unos àteros mèdios de trasportu podet est possìbile peri sena green pass, fata sarva s’osservàntzia de is medidas contras de su contàgiu.

Dae su 1° de cabudanni e finas a su 31 de mese de Idas 2021, in prus, devent tènnere e devent ammustrare sa Tzertificatzione birde Covid-19:

•             su personale iscolàsticu de su sistema natzionale de istrutzione;

•             su personale e is istudiantes universitàrios.

Sa Tzertificatzione at a dèvere atestare de àere fatu a su mancu una dose de vatzinu opuru èssere resurtados negativos a unu tampone molecolare o lestru in is 48 oras pretzedentes opuru de èssere sanados dae COVID-19 in is ses meses pretzedentes.

Sa Tzertificatzione birde COVID-19 est recherta in “zona bianca” ma peri in is zonas “groga”, “arantzu” e “ruja”, ue is servìtzios e is fainas siant cunsentidos.

Esentziones

S’òbligu de sa Tzertificatzione birde COVID-19 non s’àplicat pro atzèdere a is fainas e a is servìtzios in totu su  territòriu natzionale a is sighentes categorias de persones:

•             a is pipios cun prus pagu de 12 annos, esclùdidos pro edade dae su vatzinu

•             a is sugetos esentes pro motivos de salude de sa vatzinatzione cun un’idònea tzertificatzione mèdica. Finas a su 30 de cabudanni 2021, podent èssere impreadas is tzertificatziones de esentzione de paperi emìtidas, sena pagare, de is mèigos vatzinadores de is Servìtzios vatzinales de is Aziendas e Entes de is Servìtzios sanitàrios regionales o de is mèigos de meighina generale o Pediatras de lìberu sèberu de s’assistidu chi òperant in s’àmbitu de sa campagna de vatzinatzione contras de su SARS-CoV-2 natzionale, segundu is modalidades e cun totus is precautziones e controindicatziones definidas dae sa Tzirculare de su Ministeru de sa Salude de su 4 de austu de su 2021. Sunt bàlidos is tzertificados de esentzione vatzinales giai emìtidos dae is Servìtzios sanitàrios regionales semper finas a su 30 cabudanni.

•             a is tzitadinos chi ant retzidu su vatzinu ReiThera (una o duas doses) in s’àmbitu de s’isperimentatzione Covitar. Sa tzertificatzione, cun balidesa finas a su 30 de cabudanni de su 2021, at a èssere emìtida dae su mèigu responsàbile de su tzentru de isperimentatzione in cale est istada fata in base a sa Tzirculare de su Ministeru de sa Salude de su 5 de austu de su2021

•             a is persones in possessu de unu tzertificadu de vatzinatzione contras de su SARS-Cov-2 emìtidu dae is autoridades sanitàrias cumpetentes de sa Repùblica de Santu Marinu, in is moras de s’adotzione de sa tzirculare de su Ministeru de sa salude chi definit modalidade de vatzinatzione in coerèntzia cun is indicatziones de s’Agèntzia europea pro is meighinales, e non prus a tardu de su 15 santu miali de su 2021 (D. L. 6 austu 2021 n.111).

Europa

De su 1 de argiolas sa Tzertificatzione birde COVID-19 est bàlida comente EU digital COVID certificate e at a rèndere prus simpre biagiare dae e pro totus is Istados de s’Unione europea e de s’àrea Schengen.

Su Regulamentu europeu pro sa Tzertificatzione birde COVID-19 EU digital COVID certificate, aprovadu su 9 de làmpadas de su 2021 dae su Parlamentu europeu, previdet chi is Istados de s’Ue non potzant impònnere ulterioras restritziones de biàgiu a is titulares de tzertificados – comente a cuarantena, autoisolamentu o proa – chi “non siant netzessàrias e proportzionadas pro amparare sa salude pùblica”.

Sa Cummissione europea at creadu una prataforma tècnica comuna (Gateway europeu), ativa dae su 1 de làmpadas de su 2021, pro garantire chi is tzertificados emìtidos dae is Istados europeos potzant èssere atzetados in totu s’UE.

Pro biagiare in Europa e intrare in Itàlia, sa Tzertificatzione birde COVID-19 de su biagiadore devet atestare una de is sighentes cunditziones:

•             àere cumpletadu su tziclu vatzinale prescrìvidu contras de su SARS-CoV-2

•             opuru èssere sanados dae su COVID-19 (sa balidesa de su tzertificadu de sanamentu est pari a 180 dies de sa data de su primu tampone positivu)

•             opuru àere fatu unu tampone molecolare o antigènicu fatu in is 48 oras in antis de s’intrada in Itàlia cun èsitu negativu. Is minores cun prus pagu de unos 6 annos sunt esentados dae su fàghere su tampone pre-partèntzia.

Sa Tzertificatzione at a restare in vigore  un’annu partinde dae su 1 de argiolas.

Fonte: giassu istitutzionale Ministeru de sa Salude

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s