Protzedura pro s’afidamentu de su servìtziu de ristoratzione iscolàstica iscola infàntzia e segundària de 1° gradu A. I. 2021/22 e 2022/23..
S’informat chi cun determinatzione de su Responsàbile de su Servìtziu Amministrativu e Econòmicu Finantziàriu n. 205 in data 11/08/2021 est istadu dispostu de aviare sa protzedura de gara pro s’afidamentu de Ristoratzione Iscolàstica pro is annos 2021/2022/2022/2023, mediante protzedura negotziada a pustis de consultatzione de prus operadores econòmicos a norma de s’art. 36, comma 2, lìtera b), de su D.Lgs. 50/2016, tràmite RDO in su portale SardegnaCAT, a pustis de achirimentu de manifestatziones de interessu.
Is operadores econòmicos interessados e chi tenent tìtulu a manifestare s’interessu a èssere invitados a partetzipare a sa protzedura, impreende s’ischema unidu a su presente Avisu.
Is chi apant presentadu regulare candidadura in is tèrmines indicados e chi presentent is recuisitos rechestos, ant a bènnere cumbidados a partetzipare a sa protzedura negotziada chi s’Ente si riservat de publicare pro mesu de mèdiu telemàticu de sa Rechesta de Oferta (RdO) tràmite su portale web de sa Regione Autònoma de sa Sardigna “SardegnaCAT” a s’indiritzu https://www.sardegnacat.it.
Is manifestatziones de interessu ant a dèvere lòmpere intro e no in prus a tardu de is oras 13:00 de sa die Martis 31/08/2021 segundu una de is sighentes modalidades:
PEC : petzi ae casella de Posta Eletrònica Tzertificada a s’indiritzu protocollo@pec.comune.ilbono.og.it ;
CUNSIGNA A manu acanta s’Ufìtziu Protocollu de Via Elini n. 5.
Eventuales informatziones e/o crarimentos podent èssere rechertos a su Responsàbile de su Protzedimentu Dott.ssa Anna Rosa Pinna a is sighentes indiritzos:
Telèfonu: 0782/33016
Curreos eletrònicos: info@comune.ilbono.og.it
PEC: protocollu@pec.comune.ilbono.og.it Si cumbidant is operadores econòmicos a pigare bisione de su Bandu pùblicu e de s’ischema de dimanda.
Ufìtziu Limba Sarda Ogliastra 