Sarbare is isportellos de sa limba sarda, s’apellu de 100 sìndigos a Solinas

Apellu de is primos tzitadinos a su presidente de regione pro s’agiunta de fundos in s’assentamentu de bilantzu nou chi diat dèvere arribbare intro austu.

Prus de chentu sìndigos dae totu sa Sardigna ant iscritu a su presidente de sa Giunta regionale Christian Solinas, pro chi in s’assentamentu de bilantzu imbeniente (chi diat dèvere èssere varadu intro austu), su guvernadore potzat intervènnere pro integrare is risursas de finantziamentu de is isportellos linguìsticos comunales e subracomunales abarrados esclùdidos dae is contributos finantziàrios de su 2021 a càusa de farta de fundos.

 Si tratat de fundos netzessàrios pro sighire in s’òpera de ispàinu de sa limba e de sa cultura sarda chi is isportellos linguìsticos, animados dae sa passione e de sa professionalidade de is operadores territoriales, giughent dae in antis oramai dae annos”, sustentant is matessi amministradores, chi ant fatu recherta a sa RAS pro su finantziamentu relativu a is fundos de sa 482 de su 99 e de sa Lege regionale 22 de su 2018.

Si est beru chi dae una banda sa cuota de finantziamentos in is ùrtimos de deghe annos no est diminuida, est fintzas beru chi su nùmeru de isportellos e de operadores est in manera notèvole crèschidu. Sinnu de s’eficatzidade in sa sensibilizatzione de is territòrios, otenta dae banda de chie traballat in custu setore cun impinnu e cumpetèntzia. A càusa de s’esaurimentu de is risorsa sunt istadas segadas dae finantziamentu medas àreas chi dae annos faghent  promotzione e valorizatzione linguìstica, mancari apant presentadu progetos retentos bàlidos e ammissìbiles. Zonas comente a su Logudoro e su Meilogu, su Terralbese e s’Unione de is Comunos de is Fenìtzios, su Parteolla e su Bassu Campidanu, pro arribbare a sa Comunidade Montana de su Nugoresu Gennargentu Supramonte Barbàgia colende pro s’Unione Comunas de su Montalbo, su Màrghine e su Goceano e fintzas in Ogiastra.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s