Elini. Abertas iscritzione cursu limba sarda 1 mòdulu avantzadu

S’informat chi sunt abertos sos tèrmines de iscritzione pro su Cursu de Limba e Cultura Sarda (1° Mòdulu Sobradu) finantziadu dae sa Lege 482/99 e L.R. 22/2018, annualidade 2020. Sas iscritziones sunt abertas a totus, ma at a èssere dada prioridade a sos tzitadinos residentes in sos comunos chi aderint a su progetu “Isportellu Linguìsticu Subracomunale de Elini, est a nàrrere Elini, Irbono, Barì, Àrthana, Lanusè, Loceri, Cardedu. Su cursu at a comintzare su 4 de cabudanni 2021 e su nùmeru mìnimu de partetzipantes pro s’ativatzione est de 20 iscritos, chi ant a dèvere garantire sa frecuèntzia de a su mancu su 70 pro chentu de sas oras. Su cursu previdet 10 addòbios (9 letziones e una proa finale) de 3 oras cadauna, gasi istruturadu:

–              Monolinguismo, bilinguismu, plurilinguismu.  Dilalia e diglossia, sardu formale e sardu informale. Su progetu “Bilinguismu Creschet”.

–              Bilinguismu e multilinguismu in sos entes pùblicos. S’impreu de su sardu in sas istitutziones sardas. Toponomàstica e Odonomàstica.

–              S’impreu de su sardu in internèt. Sitos internèt, blog in limba sarda. Su sardu in televisione, in sos giornales e in sos ràdios (Progetu regionale Imprentas).

–              Atividades de letura, iscritura bilìngue, tradutzione dae s’italianu a su sardu e a s’imbesse, produtzione de atos pùblicos in duas limbas. Locandinas e Manifestos in Limba Sarda.

–              S’atividade e s’istòria de su movimentu linguìsticu in Sardigna (Cunferèntzia annuale de sa limba sarda, FILS,FOLS)

–              Sa didàtica de su sardu. Laboratòrios de promotzione linguìstica. Esperièntzias e mètodos de difusione de sa limba (laboratòrios, giogos).

–              Sa Literadura in limba sarda. Iscritores sardos. Sos testos de sa literadura internatzionale in limba sarda.

–              Su CROS, tradutore automàticu regionale, e sa prataforma Apertium.

–              Proas de iscritura, letura e tradutzione in classe.

–              Proa finale cun proa a risposta mùltipla.

S’alligòngiat su mòdulu de iscritzione chi at a dèvere èssere imbiadu, bene compiladu, a s’indiritzu de curreu eletrònicu  limbasarda.ogliastra@gmail.com  intro  sas oras 12.00 de su 20 de austu 2021.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s