Àrthana. Su 5 de cabudanni Francesco Casula presentat su libru “Carlo Felice e i tiranni sabaudi”. Custa sa biografia sua

Francesco Casula est nàschidu in Ollollai (NU). A pustis de is iscolas mèdias, fatas dae is Gesuitas, frecuentat su Litzeu “Sociale” de Torinu, acanta aiat istudiadu peri Cesare Pavese, e si laùreat in su 1970 in Roma, in Istòria e Filosofia. At tentu comente professores Natalino Sapegno e Alberto Asor Rosa.

A pustis de àere insegnadu in Macumere (prima Istòria e Filosofia in is litzeos e posca Italianu e Istòria in s’Istitutu tècnicu e pro geòmetras) si tràmudat a Casteddu, acanta insegnat pro prus de trinta annos Italianu e Istòria in is Istitutos Superiores, prus che totu in su “Martini” de Casteddu.

Sa prima esperièntzia polìtica sua — a pustis de s’esperièntzia de su ’68  de cando fiat in Roma- dda faghet cun su MPL (Movimento politico lavoratori) de Livio Labor, giai Presidente de is ACLI, acanta, in su 1972 s’at a candidare pro is eletziones polìticas a 26 annos ebbia. In su pròpiu annu in Macumere fundat su tzìrculu polìticu-culturale “Camillo Torres” in onore a su prèide gherrilleri colombianu, mortu cumbatende contra is militzianos guvernativos. A su tzìrculu aderint prus che totu istudiantes e insegnantes cun is cales, a pustis, at a intrare in su PDUP (Partito di unità proletaria) chi at cunvèrgere in Democrazia Proletaria de Mario Capanna, Vittorio Foa e àteros. Pro prus a mancu deghe annos at a dirigere in Sardigna custu partidu de sa Manca Noa  (Nuova Sinistra), chi massimamente gràtzias a s’òpera sua s’at a sardizare, divenende in custu modu Democrazia proletaria sarda, autònomu dae Dp Italia e federada a issa.

Istrumada Dp sarda, pro una pariga de annos at a aderire a su Partidu Sardu (Psd’Az), de su cale at a èssere su responsàbile natzionale de su Setore iscola), ma prus che totu at a lassare CGIL-scuola –de sa cale in Macumere fiat istadu unu de is fundadores, e s’iscriet a sa  Cunfederatzione sindacale sarda (CSS), su sindacadu ètnicu sardu fundadu dae Eliseo Spiga. In sa CSS at a fàghere su responsàbile de sa “Federazione scuola”, e posca segretàriu natzionale agiuntu, e pro finire su Segretàriu natzionale generale.

Dimìtidu dae segretàriu natzionale de sa CSS, sighit sa militàntzia sua. Lassat su Psd’Az e si dèdicat prus che totu a atividades culturales, publitzìsticas e editoriales.

Est est iscritutu a s’Albu de is giornalistas- publitzistas dae su 1989.

Est istadu collaboratore de “L’Unione Sarda” pro is temàtica acapiadas a su mundu de s’iscola. At iscritu pro su giornale Sardegna, acanta contivigiaiat sa rubrica “Memorie”, pro Sa Repubblica sarda, pro sa Rivista “Camineras” de Tàtari, pro Làcanas, rivista fundada e dirìgida dae Paolo Pillonca. Est istadu diretore responsàbile e redatore de “Liberatzione sarda”, periòdicu bilìngue, de “Madiapolis” periòdicu de is istudiantes universitàrios de Casteddu.

In is annos colados est istadu diretore responsàbile de “Il Solco” giornale de cabale de su PSD’AZ e de Emilio Lussu; de su periòdicu bilìngue de sa Cunfederazione sindacale sarda “Tempus de Sardinnia”; de “Liberamenti” periòdicu e Quartùciu, de “Clacson” periòdicu de Dolianova; de “Saturru” periòdicu de Selàrgius. Est istadu pro prus de un’annu redatoreopinionista de “Sardigna.com”. Tra is iscritos suos prus famados: Antonio Gramsci, (coautore Matteo Porru), Alfa editrice; Letteratura e civiltà della Sardegna (III vol.), Edizione grafica del Parteolla Dolianova 2014, “Viaggiatori italiani e stranieri in Sardegna” (Alfa Editrice, Quartu, 2015). Fèminas e òmines de Cabale (Alfa Editrice, Quartu) e su prus famadu, Carlo Felice e i tiranni sabaudi, Grafiche del Parteolla.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s