Noas dae su comunu: situatzione Coronavirus in s’ospidale de Lanusè

De eris sa noa chi nos at fatu asseliare: totu is esàmenes de is pesones ricoveradas in su repartu de chirùrgia de s’ospidale de Lanusè ant donadu resurtu negativu a su Coronavirus.

A primu, di fatis, totu su repartu est istadu serradu in deretura, pro more de tres casos suspetos.

A segus de custu fatu, s’amministratzione comunale de Lanusè at iscritu unu comunicadu in sa pàgina “Facebook” pro acrarare sa situatzione.

“Dae su mese de Martzu semus gherrende contras sa pesta ,semus abarrados in domo, amus cambiadu is abitùdines de sa vida nostra. Finas is iscolas ant serradu e is pipios nostros ant dèpidu istudiare dae domo, cun dificultadesmedas . Gràtzias a custos sacrifìtzios mannos pariat chi sa batalla fiat binta, ma custa chida colada amus bidu ca sa pesta est torrada e su nùmeru de is cùntagios torrat a creschere. Cunsiderados is turistas medas e is ammedamentos de custa dies in pessu coladas, s’arriscu aumentat, e duncas pedimus a totu sa tzitadinàntzia un’isfortzu. Chircamus de istransire logos in ue b’at gente meda, a s’ispissu si sunt serrados. Tocat a abarrare a largu, s’unu de s’àteru e bestire is mascareddas. Gasi amus a limitare s’ispàinu de sa pesta”

Cun s’ispera de torrare a sa normalidade, si concluit su comunicadu.

Sara Cucca