Lanusèi, Ortopedia torrat a abèrrere in mese de argiolas

Sanità: ospedale Lanusei“Dae sas primas dies de mese de argiolas su repartu de Ortopedia s’ispidale Nostra Signora de sa Mercede de Lanusè at a pòdere torrare in funtzione: sunt in arribu un’ortopèdicu in cumandu e duos ispetzializandos chi ant a permìtere de garantire sos turnos netzessàrios pro sa riapertura”. Da’at annuntziadu s’assessore regionale a sa Sanidade, Mario Nieddu, dende una prima rispostas a sas protestas de sos tzitadinos de s’Ogiastra falados in pratza giai duas bias in custas ùrtimas chidas – prima in Lanusè e posca in Casteddu – in defensa de s’ispidale. Sìndigos e populatzione si fiant mobilitados a pustis de sa serrada de Ortopedia lamentende mancàntzias generalizadas, in totus sos repartos, de mèdicos e infermieris, custrintos a si donare sa muda sena pasu.

“Dae cando s’est presentadas’emergèntzia, non nche semus mai firmados e gràtzias a traballu e remenu oe podimus dare una risposta importante a su territòriu de s’Ogliastra e a sos tzitadinos  suos- sutalìniat Nieddu – Comente apo tentu modu de torrare a nàrrere a prus furriadas non ddoe at niuna voluntade de cungiare s’ispidale, nen de ddu depotzntziare e como amus dimustradu chi non sunt faeddos ebbia. Ringratzio personalmente su professore Carlo Doria, diretore de sa clìnica Ortopèdica de s’Universidade de Tàtari, chi at frunidu prenu apògiu e collaboratzione, e su professore Antonio Capone diretore de sa Clìnica Ortopèdica de s’Universidade de Casteddu pro sa partetzipatzione”. A pustis de sas formalidades amministrativas dae parte de s’Ats, su personale at a pòdere incumentzare a traballare in Ortopedia.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s