Nùgoro e sa Barbàgia a sos tempos de sa Sarda Rivolutzione

Su 26 abrile s’Istitutu Bellieni organizat unu cunvegnu in s’Archìviu de Istadu pro ammentare sa figura de “Angioy e su tempus suo”.

NÙGORO. Comente si biviat a Nùgoro e in Barbàgia durante su perìodu de sa Sarda Rivolutzione de fine Setighentos? Sa risposta a custa e àteras dimandas relativas a unu de sos momentos prus emblemàticos de s’istòria de s’ìsula at a èssere donada durante su cunvegnu “Angioy e su tempus suo – Rifletende subra s’istòria nostra a sos tempos de sa sarda rivolutzione (1793-1796)”, chi s’at a tènnere chenàbura 26 abrile a sas 10.30, in sa Sala istùdiu de s’Archìviu de Istadu de Nùgoro, a su cùcuru de Sant’Onòfriu in bia Mereu 39.

Locandina Angioy.jpegAt a introduire sos traballos sa diretora Angela Andrea Oriani, chi at a dare ispàtziu a sos interventos de Antonello Nasone, dotore de chirca in filosofia, e de Stefano Alberto Tedde, operadore de isportellu linguìsticu.

Su cunvegnu at a èssere atzentradu non solu in sa figura de s’Alternos durante su triènniu rivolutzionàriu, ma fintzas subra totus sas conseguèntzias sotziales, polìticas, sotzio-econòmicas de s’ìsula e de sas istitutziones sabàudas a sa fine de su de XVIII sèculos. In particulare at a bènnere fintzas fatu unu focus a pitzu de sa situatzione in sa tzitade de Nùgoro e in sos vàrios territòrios de sa Barbàgia. S’at a intentare annotamala de cumprèndere comente mai massajos, pastores e biddùnculos de custas zonas non si fiant unidos a su movimentu de protesta chi at caraterizadu imbetzes su Capu de Subra de sa Sardigna.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s