“Sa Cansoni de is Bagadias de Barì” a 75 annos dae sa cumpositzione sua

Fiant giai coladas sas duas de su merie de su 20 maju 1943 cando una scuadrìglia de s’aviatzione inglesa formada dae aèreos bimotore Lockheed P-38 e monoplano Curtiss P-40, fiat passada subra sa bidda de Macumere e iscudende una prima bomba in una domo creende de corfire una postatzione ràdiu chi imbetzes fiat bene cuada in intro de su nuraghe Orosai. Unas àteras bombas ant corfidu in prenu unu vagone càrrigu de munitziones dirìgidu a su repartu artillieria de Pratosardo causende sa morte de ses sordados e unu tzivile, una domo a presu de sa lìnia ferruviària ochiende 4 tziviles.
Sos catzabombardieris inglesos aint puntadu posca cara a Bunnànnaru e Tàtari distruende sas duas istatziones ferruviàrias; su matessi aiant fatu pagu prima in Bonolva. Iscampadu su perìgulu, sas carrelas de sa biddighedda de s’altura de Campeda torrant a si prènnere de tziviles, carros tragiados dae sos boes, giòvanos sordados e autocarros militares. In Bonolva b’aiant fintzas duos sordados de Barì, Eugenio Cardia e Giuseppe Di Fede.
Sa note – sos duos giòvanos ogiastrinos – s’agatant paris e iscrient in unu follu custos versos: “Oh Barisardu postu in ischit bassura, situada in sa parte Orientale, a nord riparada dae un’altura, a sud dae una fortetza naturale, ti rendet imponente sa figura, su tratare chi tenes acasàgia·las”.
Inghutzat gasi “Sa Cansoni de is Bagadias de Barì”, una cantzone in limba sarda dedicada a sas bajanas de sa bidda nàschidas in sos annos Binti chi in versos elencaiat sos prègios e sos difetos issoro.
Finida sa gherra su cumponimentu at devènnidu in deretura famadu tra sos giòvanos de Barì chi l’ant imparadu a memòria e l’ant adatadu a su càntigu e a su ballu e sos versos, ricos de istòtzios e dòpios sensos spassiosos ant finidu pro animare sas festas de bighinadu e de sa bidda.
Cun  sos annos, però, gasi comente bona parte de su patrimòniu poèticu orale de sa bidda, pro mote de sa mancàntzia de sa trasmissione generatzionale, sa cantzone de sas bajanas nd’est ruta in s’olvidu.
De su testu iscritu non nd’at abarradu rasta, petzi carchi versu tramandadu a memòria dae pagos antzianos. Totu pariat pèrdidu, finas a cando, a 75 annos de sa cumpositzione sua, gràtzias a sa chirca fata in su campu dae s’Ufìtziu de sa Limba Sarda, est istadu agatadu unu cuadernu in ue sa signora Elena Piras, in su 2002, aiat trascritu, gasi comente si l’ammentaiat, bona parte de sa poesia, pro la donare a sa sorre Regina (nominada in sa cantzone).
Giòbia su 24 de ghennàrgiu, a merie, in sa Biblioteca Cumonale de Barì, sa cantzone est istada presentada a unu pùblicu de apassionados durante su cunvegnu “Is cantzones de is Bagadias. Unu viàgiu in sa Sardigna de si 800 e ‘900 tra sàtira e sessualidade” organizadu dae s’Isportellu Linguìsticu, dae sa Biblioteca e dae s’Amministratzione Comunale de Barì.
A sa presentada, aberta dae sos saludos istitutzionales de sa Cussigera Veronica Lai, fiat presente fintzas su signore Severino Cardia, fìgiu de Eugenio Cardia, unu de sos autores de su famadu cumponimentu. S’adòbiu s’est concruidu cun s’ispera chi su modellu autènticu de sa Cantzone de is Bagadias de Barì, gràtzias a su contributu de totus, potzat in fines essire a campu e duncas torrada a intregare a sa comunidade bariesa.

whatsapp image 2019-01-25 at 09.34.18

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s