Ogliastra unida contra sa violèntzia de gènere: una infrachitada in Irbono

Su 7 ghennàrgiu, in Irbono, partinde dae Samunadòrgiu (Pratza de Bau Carros) s’at a tènnere una fracolada contra sa violèntzia de gènere, contra is violèntzias domèsticas e contra cale si siat genia de subordinatzione e sutamissione.

Totu ischimus chi sutzedet,  totu ischimus chie chistit is corpos, is vitupèrias e is meletzos. Tando, sa domanda est: balet sa pena partetzipare a is manifestatziones a pustis de is  tragèdias, cando in sa vida de ogna die, dae in antis is violèntzias pompiamuis a un’àterea parte? S’Ogliastra, a prus furriadas, est istada teatru de violèntzias domèsticas, violèntzias de gènere, violèntzias de is cales medas ischiant, e nemos at faeddadu.

Su dovere de faeddare, de agiudare comente tzitadinos, bighinos de domo, parentes, cumpaisanos, benit in antis de cale si siat àteru dovere. Solu gasi s’ant a evitare is violèntzias domèsticas, solu gasi amus a intèndere semper prus pagu casos de persones vìtimas de violèntzia fìsica o psicologica in intro de is domos issoro, gasi ebbia amus a agatare pranghende medas prus pagu persones, e aici ebbia amus a dèpere adotare medas prus pagu fìgios de “un’amore” chi no est amore, ma est solu violèntzia e òdiu.

Su 7 ghennàrgiu, in Irbono, partinde dae Samunadòrgiu (Bau Carros) ddoe at a èssere una manifestatzione  contra sa violèntzia de gènere, contra is violèntzias domèsticas e contra cale si siat gènere de subordinatzione e sutamissione.

Faghimus bìdere chi s’Ogliastra ischit, chi non tenet timòria de faeddare, chi non tenet timòria de parare barra e de refudare sa violèntzia. Achiddade un’istiàrica a peròmine: faghimus  lughe a pitzu de is situatziones acuadas.

download (2)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s