Lanusèi: pro Annunou proibidos isparos e coetos. Ascurta sa noa

Bottipetardi_NO_TpOggi-1Ordinàntiza de su Sìndigu: ascurta s’àudiu 

Pro nche bogare s’annu betzu e saludare s’annu nou, in Lanuséi no at a èssere possìbile a fàghere sa traditzionale fogaria de coa de annu, òrdine de su sìndigu Davide Burchi, chi at adotadu unas cantas mesuras pro garantire sa seguresa de is tzitadinos.
In particulare, con ordinàntzia n. 47 de su 27 de mese de idas est istadu dispostu ca a cumentzare dae is 9 de note de su 31 de mese de idas 2018 , finas a is 8 de su primu de ghennàrgiu 2019, in totu su territòriu comunale de Lanusèi, non s’at a pòdere girare cun ampuddas de cristallu, bòtolos de allumìniu e latinas.
In prus, is butegas no ant a pòdere bèndere a sa clientella su bufòngiu in ampuddas de bidru, francu chi sa cosa de bufare siat betada a tassas e bufada in intre de sa locale etotu . Est permìtidu a bèndere su bufòngiu in ampuddas de cristallu o in latina pro nde ddu leare a domu, ma petzi chi is botos siant bene serrados e sigillados.
Ancora, si subenit a totus ca s’ordinàntzia n. 37 de su 28 de mese de idas, disponet, pro totu is festas de Paschighedda, de Annu Nou, e de is Tres Rès– est a nàrrire dae su 23 de mese de idas finas a su 6 de ghennàrgiu – ca in totu su territòriu comunale de Lanusèi non s’at a pòdere isparare a fosile o a pistola e in prus est vietadu su possedimentu e s’alluimentu de fogos de artifìtziu, de coetos, de patarros, de bombetas e minervas o de àteros impriastos pirotècnicos.
S’amministratzione Comunale de Lanusèi, àugurat a totus bonas fines e mègius printzìpios.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s