“Non l’ho fatto apposta”: Intervista a Evelino Loi

Evelino Loi, 73 annos de Barì, metade de sa vida sua colada in presone «nd’apo fatu 30 annos – contat –, ma no apo fatu male a nemos», s’àtera metade colada tra manifestatziones istudentescas (su primu arrestu pro more de una protesta in pratza contra su guvernu Tambroni), rivoltas cartzeràrias, «pro cussa a Rebibbia m’apo fatu 5 annos in gàbbia», atzione ispetaculares. Lòmpidu a Roma galu pitzocheddu in is annos ’60, aiat agatadu traballu comente samunapratos in unu ristorante, ma poi dd’aiant mutidu a fàghere su militare in is bersallieris. Orròschidu e arrabiadu pro sa vida de caserma tra màrtzias continas e paradas militares , si nche fiat apicurradu a pitzu de Colosseo pro protesta, minetzende de si nche betare. S’àtera atzione ispetaculare est istada cando, de acòrdiu cun una giornalista americana, si nche fiat pigadu a pitzu de su Cupolone, durante sa Beneditzione Urbe et Orbi de su Papa. Su Cardinale Agostino Casaroli, a s’època galu Munsennore, dd’aiat cumbintu a  nde calare e dd’aiat pigadu a traballare in sa residèntzia de Villa Agnese.

Un’ esistèntzia tribulada, tra manifestatziones e perìodos longos de detentzione paris cun  cartzerados de su càlibru de Luciano Liggio e Renato Vallanzasca, pro nde arremonare calicunu, totus colados in is peus presones de s’Itàlia (Rebibbia, Asinara, Bonucamunu). Una vida treulada sinnada dae sa morte de su babbu (a 37 annos ebbia), dae sa poberesa e dae sa gana de megiorare sa cunditzione sua.

Evelino at a allegare de totu custu in s’intervista in sardu chi at a andare in unda martis e mèrcuris a is 20.45 in su programma “Arregionaus” de Radio Stella de Tortolì, dedicada a duos de is libros suos, “Non l’ho fatto apposta” e  “Poesie in catene”. Evelino at a chistionare de sa cunditzione de is cartzerados in Itàlia, at a ispiegare su motivu de medas gestos suos, e at a afrontare temas de crònaca comente s’isparimentu de Emanuela Orlandi e su raportu tra personalidades importantes de su Vaticanu cun sa Banda della Magliana, finas a arribbare a sa “rivelatzione” fata in su 2013 de sa presèntzia de su corpus de Erich Priebke in Sardigna, in su campusantu de sa colònia penale de Ìsili.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s