S’Istitutu Natzionale de istatìstica, a partire dae su mese de ladàmine at a cumentzare su “Tzensimentu permanente de sa populatzione e de is domos” chi dae su 2018 at a tènnere cadenza annuale e non prus deghennale e at a èssere realizadu pro mesu de iscumproos istatìsticos a campione in is famìlias e de documentos amministrativos, comente a prevìdidu dae sa normativa vigente.

Is rilevatziones chi at a interessare unu  campione ebbia de is famìlias e ant a èssere fatas dae su 10 de mese de ladàmine a su 23 de onniasantu 2018.

Is datos chi ant a èssere pedidos ant a contribuire a connòschere is printzipales caraterìsticas sotziu-demogràficas de sa populatzione, a agiornare is registros anagràficos, a rilevare sa cunsistèntzia numèrica de is domos e is caraterìsticas de cussa ocupadas.

S’iscumprou est prevìdida dae su Regulamentu europeu N. 763/2008 e faghet parte de su Programma istatìsticu natzionale.

S’ISTAT est obrigada pro lege a acumprire custu iscumprou e is famìlias campione sunt obrigadas a partetzipare fruninde is datos rechertos.

Is informatziones collidas ant a èssere tratadas in su respetu de sa normativa in matèria de sa tutela de su segretu istatìsticu e de amparu de is datos personales.

Is resurtados de s’iscumprou ant a èssere presentadas in forma agregada e duncas no at a èssere possìbile  cumprèndere a cale sugetos si referint.

Pro sa bona resèssida de s’iscumprou e mescamente pro arricare su patrimoniu de datos istatìsticos ùtiles a sa colletividade, at a èssere fundamentale totu sa collaboratzione de is famìlias.

censimento.png

Annunci