Ascurta sa noa: https://drive.google.com/file/d/1pP9V_fJUdR5pMc0dpSEPrcsHCuccW9ev/view?usp=sharing

SportSu Comunu de Irbono at pubblicau un’avisu pùbblicu  pro sa cuntzessione de contributos a is Entes e Assòtzios chi faghent atividades in su setore isportivu cun sede in su Comunu de Irbono. Pro pòdere fàghere sa domanda is assòtzios depent tènnere sa sede legale e de traballu in su territòriu comunale de Irbono, francu pro cussas atividades chi si faghent in is istruturas  foras de su territòriu comunale chi su Comunu non tenet a disponimentu.

Is atletas depent èssere iscritos a una federatzione/ente de promotzione afiliadas a su CONI, chi depent dimostrare de frecuentent a manera fitiva cun tzertificados fatos dae is federatziones, tèsseras o cartellinos de s’annu  a in antis de cussu chi si faghet sa domanda. Ogna sotziedade o assòtziu at a retzire unu rimbursu fissu, dae rendicontare, de  € 500,00 presuntos, pro is ispesas  fitivas, pro esèmpiu pro is servìtzios, pòlitzas de asseguratzione, iscritzione a is campionados.

Su còigiu de su contributu at a èssere medidu segundu critèrios diferentes, in base a is annos de atividade isportiva, a su nùmeru e a s’edade de is atletas, a sa partetziapatzione a initziativas isportivas promòvidas dae s’amministratzione comunale, a sa collaboratzione cun is àteras sotziedades, a su coinvolgimentu de volontàrios de servìtziu tzivile, a sa gestione de is istruturas comunales donadas in afidamentu e a is capassidade de procurare fundos dae initziavas de autofinatziamentu. Ogna assòtziu, paris cun sa domanda de contributu, depet presentare peri s’Istatutu; su libru de is sòtzios e su libru càscia.

Is domandas, cumpiladas segundu a su  modellu unidu a s’avisu, dèpet arribare a s’Ufìtziu Protocollu de su Comunu de Irbono intro is  13:00 de Giòbia su 06/09/2018 (iscadèntzia obligada – at a fàghere fide sa die de intregu a s’Ufìtziu Protocollu de su Comunu). Is domandas podent èssere

  • Intregadas a manu a s’Ufìtziu Protocollu de su Comunu de Irbono a su 2° Pianu de su Palàtziu Comunale de bia de Elini n. 5 – 08040 Irbono (NU);
  • Ispedidas cun Racumandada A/T indiritzada a su Comunu de Irbono bia de Elini n. 5 – 08040 Irbono (NU);
  • Ispedidas cun PEC a s’indirìtziu protocollo@pec.comune.ilbono.og.it.

Pro àtera informatziones e pro àteros crarimentos si podet domandare a su Responsàbile de su Protzedimentu  Dot.a Pinna Anna Rosa, telefonende a su nùmeru 0782/33016. Opuru si podet iscrìere is indirìtzios de posta eletrònica:

E-mail : info@comune.ilbono.og.it   e PEC   protocollo@pec.comune.ilbono.og.it

Avisu PDF: avisu contrivutos assòtzios isportivos


Mòdulos de domanda:  all._a_istanza_contributi_sport_2018_0

 

 

Annunci