sportelli_arzanaTorrat a abèrrere s’Ufìtziu de sa Limba Sarda in Ogiastra. De s’isportellu de ocannu, numenadu “Isportellu Linguisticu Subracomunale Unione de is Comunos de s’Ogiastra”, (Annualidade 2016) nde faghent parte 6 comunos ogiastrinos: Àrthana (cabufila), Elini, Irbono, Loceri, Lanusè e Barì e at a èssere coordinadu e gestidu dae s’Istitutu de Istùdios e de Chircas Camillo Bellieni de Tàtari. S’operadore Linguìsticu at a èssere Ivan Marongiu.

Su progetu est finantziadu dae sa Lege 482 de su 1999 (”Normas in matèria de tutela de is minoràntzia linguìsticas istòricas” ) e fintzas dae una integratzione de sa Regione Autònoma de Sardigna, L. R. 15 de martzu 2012 n. 6 art. 2 comma 13.

Su servìtziu s’at a ocupare de sa furriadura in sardu de is documentos de is amministratziones comunales, de is avisos a sa populatzione, tradutziones de brochures, locandinas o manifestos pro is festas, presentadas de libros de iscritores sardos, consulèntzia linguìstica a is assòtzios (isportivos o culturales). S’isportellu at a aparitzare atopos, cunvènnios, giogos pro is piciocheddos, laboratòrios, atividades de ispàssiu e de imparu pro pitzocheddos in is iscolas, in is bibliotecas e in is ludotecas.

Luego at a èssere pubblicadu su calendàriu cun is dies, is oràrios de apertura e sa sede de s’ufìtziu in cada bidda chi faghet parte de su progetu. Pro cuntatare cun s’isportellista si podet iscrìere a s’indirìtziu de posta eletrònica ufitziulinguisticuogiastra, opuru mutire a su nùmeru de telefoneddu 3298703515. Auguramus bene.

logo-isbe-png

Annunci