Martis. S’Istitutu Bellieni donat 300 atestados a is cursistas de totu sa Sardigna.

Donados in atestados de frecuèntzia a su cursu de limba sarda peri a is cursistas de Tortolì, Barì e Gelisuli.

Giorronada dae mentovare sa de domìniga colada in su Tzentru Polivalente “Sa tanca de Idda” pro sa promotzione de sa limba e de sa cultura sarda. Sa de tres editziones de “L’Ischis ma no l’Ischis”, s’apuntamentu de acabbu de is fainas aparitzadas dae s’Is. Be. de Tàtati at atzocadu una meca de amantiosos de su sardu in sa bidda de Martis (SS).

In un’aposentu prenu a intipu de gente sunt istados intregados prus de 300 atestados de partetzipatzione e de frecuèntzia sa is corsistas  2017.

A moderare is traballos est istada Maria Doloretta Lai, presidente de su Bellieni, chi at donadu is pergamenas a is dischentes acumpangiados dae is mastros Daniela Masia Urgu, Lucia Sechi, Francesca Sini, Antonio Carta, Stefano Alberto Tedde, Maria Leonarda Correddu, Adriana Cocco, Immacolata Salis, Anna Laura Pirisi e Ivan Marongiu.

Medas is comunos in ue sunt istados fatos is cursos, Martis, Biddanoa Monteleone, Pàdria, Àrdara, Mores, Esporlatu, Bultei, Gelisuli, Barì, Tortolì, Piaghe, Romana, Patada, Marrùbiu, Nughedu Santu Nicoló, Ossi, Uri e Ùsini. Tra is presentes ddoe fiant finas sìndigos, assessores comunales, is consigeris regionales Pier Mario Manca e Sandro Unali e, in rappresentàntzia de s’Assessoradu Regionale a sa Cultura de sa Regione Sardigna, su capu de gabinetu Cuccuru.

Su primu prèmiu “Si moves sa limba, sa limba ti movet”, dedicadu a is personalidades o trumas chi ant contribuidu in manera significativa a s’ispainamentu e a sa promotzione de sa  limba  sarda, est istadu donadu a su poeta a bolu Giuseppe Porcu pro àere promòvidu su sardu pro mèdiu de s’atividade sua de cantadore.

Su segundu prèmiu est andadu a is corsistas de s’Is.Be di Martis, pro àere sighidu cun continuidade e profetu su percursu formativu de limba e cultura sarda in su triènniu  2015-2016-2017.

Unu pèmiu ispetziale est andadu a sa memòria de su biadu Enzo Espa, etnòlogo, iscritore, dotzente,, connoschidore mannu de is usàntzias antigas de sa Sardigna. Su prèmiu est istadu retiradu dae sa fìgia Anna Laura chi at ammentadu su babbu e s’òpera sua, donende a su Bellieni unos cantos documentos cun ditzos, contos e cantos de sa traditzione orale sarda chi ant a èssere pubblicados dae s’Istitutu pro ddos fàghere connòschere a totus.

Sa die est acabbada cun una rapresentatzione teatrale de is dischentes de Martis e cun unu cuntzertu musicale de is musitzistas Enrica Virdis, Rita Penduzzu e Franco Sechi de s’iscola tzìvica de mùsica “Sonos”.

Pro congruire is presentes, a pusti pràngiu, ant fatu una bìsita ghiada a sa crèsias de Santu Pantaleo e a sa crèsia de Santu Giusepe de Martis in ue est costoidu unu cuadru de su pintore irbonesu Andrea Lusso.

Sighent unas cantas fotos de sa die tiradas dae I. Marongiu e (sa de grupu) dae S. Taras

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s