Sàbadu su 4 de onniasantu in Tortolì e in Arbatassa, s’Amministratzione Comunale de Tortolì at a regordare totu is mortos in gherra cun una tzerimònia pùbblica.
In ocasione de sa Die de is Fortzas Armada e de sa Festa de S’Unidade Natzionale, su Sìndigu Massimo Cannas e totu s’’Amministratzione Comunale invitant totu is tzitadinos, cumbatenetes e rèdutzes, is famìlias de is mortos in gherra, a sa manifestatzione chi s’at a fàghere su 4 de onniasantu 2017 in Tortolì e in Arbatassa.
A is 9:30 sa tzerimònia at a cumentzare in su Munitzìpiu de bia de Garibaldi. A ora de is 10.00 invitados e amministradores ant a andare a sa Catedrale de Sant’Andria Apòstolo pro sighire sa Missa Santa tzelebrada dae su Pìscamu Ogiastra Munsennore Antonello Mura, acumpangiada dae su coro de S. Andria.
A is 11.10 in su Monumentu dedicadu a is mortos in Gherra de Pratza Cavour, ddoe at a èssere sa tzerimònia de cummemoratzione e a is 11:25 sa tzelebratzione in su monumentu de is mortos in gherra de Arbatassa. A is 11.40 s’at a assentare sa corona in sa Cala de is Genovesos.
A is 12:10 leghidura de branos bogados dae su libru “Come una foglia trasportata dal vento” de Luciano Pontillo, in su teatru de Santu Frantziscu e in Fra Loci. A is 13.00 totu is òspites ant a èssere invitados a su cùmbidu ofridu dae s’Amministratzione Comunale.

10294585_382039396_66395320_12179721_10152788100567185_1865129299_n.jpg

Annunci