Domìnigu su 3 de cabudanni 2017 in Irbono ddoe at a èssere sa gara “Maratona dei Nuraghi” arribbada a sa de 11 editziones.

Su percursu de sa gara, parte in istrada bianca, parte in istrada asfaltada, est de  5 km e 700 metros pro chie tenet prus pagu de 14 annos, e de 9 km e 200 metri pro totu is àteros. Si tratat de unu percursu bellu e ispantosu chi colat a costadu de is medas sitos archeològicos de sa bidda. S’at a mòvere de sa pratzita a suta de Monte Tarè e s’arribu at a èssere in su Nuraghe de Scerì.

Pro s’iscrìere a sa gara tocat a cumpilare su follu chi si podet agatare in Tzentru de Agregatzione Sotziale. Faghet a s’iscrìere peri sa die etotu de sa cumpetitzione, presentende.si in sa iscansada prp andare a Screrì a su mancu mes’ora prima de sa partèntzia atatzada pro is 9 de mangianu.

Pro partetzipare si pagat 10 èuros a peròmine e ogna atleta at a retzire sa malliedda, su berreteddu o sa tasca cun s’istemma Estate Ilbonese, su petorale cun su nùmeru pro sa gara, s’assistèntzia mèiga e s’ismùrgiu. Is 10 èuros tocat a ddus donare cando si faghet s’iscritzione.

Ant a èssere premiados cun copas e targasi s primos tres classificados, is primas tres classificadas, is primos e is primas tres cun prus de 60 annos, is primos e is primas tres cun prus de 50 annos, is primos e is primas tres cun prus de 40 annos, is primos e is primas tres under 18, is primos e is primas 3 under 15, is primos tres pitzocheddos e is primas tres pitzocheddas prus piticos/as de 10 annos e pro finire is primos 3 passeginos.

Pro nd’ischire de prus e pro s’iscrìere, email: centro.ilbono@libero.it

Tel. 0782/33020; cell. 380/3783932; https://www.facebook.com/events/1058879184255720/

18767434_10154516371173639_1642626817383891512_n

Annunci