download

Cras, giòbia su 22 de mese de làmpadas, a cumentzare dae is 9 de mangianu, in sa Facultade de Istùdios Umanìsticos de s’Universidade de Casteddu ddoe ant a èssere is primos esàmenes de su cursu de Limba Sarda.  In is dies coladas ddoe sunt istadas is proas iscritas e cras imbetzes ddoe ant a èssere is provas orales. Non si tartat de su sòlitu esàmene de Linguìstica Sarda, ma pròpiu de un’èsàmene de Limba Sarda, su primu in Sardigna e in Itàlia.

Su cursu de 60 oras balet 12 crèditos formativos. Cosa importante pro passare s’esàmene de su prof. Maurizio Virdis,  sa connoschèntzia e sa capassidade de lèghere, tradùere e analizare in manera crìtica is testos presentados in is letziones e de ddos collocare in intro de su cuntestu istòricu issoro, e in fines, èssere capassos de allegare in sardu a pitzu de argumèntos vàrios e non ispetzìficos, ma semper acapiados a sa cultura de sa Sardigna.

Annunci